Həmrəylik Günü
Təbii ki, yeni Azərbaycanımızın 20 il
ərzində imza atdığı bütün siyasi-ictimai-sosial uğurları sadalamaq üçün bir
məqalə çox azdır. Ümumi nəzər salsaq ictiması-siyasi rifahdan, Azərbaycanın dünya
arenasında get-gedə artan nüfuzundan, daxili və xarici yeniliklərdən söhbət etmək olar. Və bu söz xətrinə deyilən cümlələr deyil. İnandırım sizi
Azərbaycanı iqtisadi inkisaf edən ölkə kimi tanımaq üçün sadəcə olaraq qonşu İran və Gürcustan vəya digər MDB ölkələrinə bircə dəfə səfər etmək kifayətdir.
Çox vaxt biz ölkədən xaricə çıxmadığımıza görə vəya səfərə gedəndə də Amerika, Avropa
ölkələrinə getdiyimizə görə inkişafımızı görə bilmirik. Aydın məsələdir ki,
Avropa ölkələri ilə müqayisə etmək olmaz, amma onu da nəzərdən qaçırmaq lazım
deyil ki, həmin Avropa ölkələri əsrlərlə azad və müstəqildirlər, biz isə
istiqlaliyyətimizin 20 illiyini təzə geyd etmişik.
İctimai-siyasi inkişafımız
və iqtisadi rihafın artması ilə yanaşı cəmiyyətin ziyalılarını bir məsələ
qabarıq narahat edir ki, sürətlə gedən Avropalaşma prosesi nəzdində
milli-mənəvi degradasiya prosesini dayandırmaq olmur. Bunun üçün nə etməliyik,
hansı çıxış yolları tətbiq etmək lazımdır? Çətin və bir çox müasir
mütəfəkkirlərimizi düşündürən sualdır. Bu barədə ayrıca və uzun-uzun danışmaq
olar, bu məqalənin müvzusundan kənar olduğuna görə bir onu demək olar ki,
dünyaya və xüsusən də Avropaya integrasiya çərçivəsində milli-mənəvi müstəvidə
tənəzzülün qarşısını almaq lazımdır. Buda zəngin mədəni iris olan
Azərbaycanımız üçün çətin deyil, sadəcə özümüzə xas olan dəyərlərimizi daha
geniş, daha inadkarcasına təbliğ etməyimiz gərəkdir.
Comments
Post a Comment