Suriya krizisi

       Bütün dünya səssiz donub Barak Obamanın Suriya barəsində qəbul etdiyi qərarın icrasını gözləməkdədir. Daha döğrusu məzlum Suriya xalqının qırılmasına və müstəqilliklərinin əllərindən alınmasına hesablanmış bu qərəzli qərarın Barak Obamaya məxsus olması özü böyük sual altındadır. Hər halda biz bu məqalədə konsperativlikdən uzaq olaraq pərdə arxasında kimlərin dayanması barəsində heç bir mülahizə yeritmək istəmirik. Zatən orda hər şeyi elə qarışdırıblar ki, yəgin özləri də heç bilmirlər pərdə hansı rəngdədir.

     Bəs Bəşər Əsədi tutub-yapışdığı vəzifədən uzaqlaşdırmaq kimlərə və nə üçün lazımdır? Söhbət Suriyanın regiondaki strateji yerindən gedir. İsrail və ABŞ-a Əsəd rejimi İran tərəfindən dəstəkləndiyinə və Hizbullahın lideri olan şeyx Həsən Nəsrullah ilə can qardaş olduğuna görə sərf eləmir. Türkiyə cənab Ərdoğanın imperialistik ambisiyalarının badına bu məsələyə qarışıb. Belə ki, Tayyib bəy ciddi olaraq Osmanlı imperiyasını reinkornasiyası fikrinə düşüb. Bunu açıq-aşkar Misirdə baş verən hadisələrdə də görmək olar. Zənnimcə  Misir və Suriya Erdoğanın siyasi karyerasında ən böyük səhvləridir. Qərb ölkələrinə isə əslində ABŞ və İsrail təhlükəsizliyi bir o qədər də vacib olmadığına görə Suriya krizisinə ciddi müdaxilə etmək istəmirlər. Böyük oyunçularından yerdə qalan Rusiya və Çin isə ümumiləşdirsək ABŞ-ın regiona olan təsirinin artmasını istəmirlər.

    Nəhayətdə həmişə olduğu kimi böyük siyasi oyunların qurbanı isə minlərlə günahsız insan olur. Bu məqalə ilə mən münaqişə tərəflərinə nəisə bir mesaj ötürmək fikrində deyildim. Çünki onlar ümumiyyətlə mənim barəmdə xəbərsizdirlər. Sadəcə necə deyilir ürəkdə olan sözlərimi bölüşmək istədim.