Sifarişli mitinqlər (ARXİV)

     İnsan yaradılışı etibari ilə azad xəlq edilmişdir. Həm təfəkkür, həm də fəaliyyət baxımından. Düzdür bəşər yaranandan bu azadlıqlar məhdudlaşdırılıb amma, yasadığımız dövrdə artıq insan həm fərdi, həm də ictimai sürətdə öz fikrini izhar etmək haqqını təsbit etmişdir.

     Bütün müasir dövlətlərdə olduğu kimi bizim müstəqil Azərbaycanımızda da Ulu Öndərimiz Heydər Əliyevin və Onun müdrik siyasətinin layiqli davamçısı İlham Əliyevin misilsiz zəhmətləri bahasına demokratiya sürətlə inkişaf etməkdədir. Təbii ki, bu uzun bir yoldur və "Avropada filan şey belədir, amma bizdə niyə elə deyil" deyənlər yaddan çıxartmamalıdırlar ki, inkisaf etmiş ölkələrin hərəsinin neçə əsrlik təcrübələri var, bizdə isə yenicə qurulmuş, cavan amma özümüzə məxsus olan bir dövlət.

     Bəli, mən onun tərəfdarıyam ki, hər bir vətəndaşımız Azərbaycanımızın əsrlərdir əsarətdə yasadığını unutmamalı və fəaliyyətindən, əqidəsindən, ictimai-siyasi fikirlərində asılı olmayaraq hər bir Azərbaycanlının borcudur ki, Azərbaycan dövlətciliyinə xidmət eləsin.

     Son günlərdə şahidi olduğumuz mitinglər və kütləvi iğtişaş çağırışları hər bir xalqını sevən insanda olduğu kimi bizdə də təəssüf hissindən başqa heç nə oyadmır. Şəxsən mən Facebook və digər sosial şəbəkələr vasitəsi ilə təbliğatı aparılan "Qəzəb Günü" barəsində məlumat ilə tanış olanda fikirləşirdim ki, görəsən bu çağırışları düzənləyən partiyaların sədrləri və öndə gedənləri bu mitingdə qatılacaqlar. Təcrübə göstərdiyi kimi qatılmadılar. Bundan da sual doğur ki, bəs əgər sizin haqqında danışdığınız amal və hədəfləriniz doğrudan da ülvi və yüksəkdirsə, onda siz nədən qorxursunuz? Neçə-neçə cavan və potensiallı gənclərimizin başını doldurub onları çirkin oyunlarınıza gurban verdiniz…

     Halbuki, siyasi təfəkkürü zəif olan, ictimai vərdişləri olmayan cavanlardan gələcəkdə nə ölkəsini dünya arenasında layiqli təmsil edən diplomat, nə də vətəninin rifahına xidmət edən vətəndaş yetişməz.

     Artıq tam əmin olmuşuq ki, icazəsiz mitinqlər xaricdən gələn sifarişlərdir. Bu sifarişləri yerinə yetirənləri isə xalqın, Vətənin taleyüklü problemləri yox, öz şəxsi mənafeləri düşündürür.

     Mən üzümü bütün cavanlarımıza tutub demək istəyirəm ki, gəlin ayıq olaq. Kiminsə mənafəyini üçün yox, vətənimizin çiçəklənməsi üçün səfərbər olaq! Belə mitinqlər nə müxalifətə, nə də xalqa fayda verər.